«Алтын дән – 2025» Дала күні шарасы! 2025 жыл – Жұмысшы мамандықтар жылы аясында Қармақшы аграрлы-техникалық колледжі мен әлеуметтік серіктес «Жаңа Жол» ЖШС бірлесіп, ауыл шаруашылығы саласы бойынша маңызды іс-шара ұйымдастырды. Іс-шараға «Ауыл шаруашылығын механикаландыру» мамандығының АШТ-24/9 тобының студенттері қатысты. Колледж директорының міндетін атқарушы А.Жубанышов және өндірістік оқыту шебері Н.Ілиясбек студенттерді «Жаңа Жол» ЖШС егіс алқаптарына бастап барды.Шара барысында студенттер:күріш ору кезеңінен бастап,- қырмандағы тазалау және ақтау процесіне дейінгі толық өндірістік тізбекті көзбен көріп, тәжірибелік білім алды.
«Жаңа Жол» ЖШС-нің ұйымдастырушы-программисті Сапаков Серік — бүгінгі шараның ұйымдастырылуына мұрындық болып, студенттерге бағыт-бағдар көрсетіп жүрсе, 3-ші егіс бригадасының жетекшісі Әбжалиев Сағат — егін алқабындағы нақты жұмыстармен таныстырып, биылғы өнімнің мол боларына сенім білдірді. Ал бас гидротехник Сәметов Балтабай студенттерді қырман басындағы қызу еңбек барысымен таныстырып, егіс алқабынан келген өнімнің ақталып, дайын күйге келгенге дейінгі бүкіл технологиялық кезеңін жан-жақты түсіндірді. Сонымен қатар, сала мамандары жастарға кәсіби бағыт-бағдар беріп, өмірлік тәжірибелерімен бөлісті.
Бұл шара – тек танысу емес, болашақ мамандардың кәсіби білімін шыңдау жолындағы нақты қадам!
