Қармақшы аграрлы-техникалық колледжінде

Қармақшы аудандық білім бөліміне қарасты Ә.Егізбаев атындағы №121 мектептің 9 сынып оқушылары колледждің материалдық-техникалық базасымен танысты.

Іс-шара барысында оқушылар колледждің оқу кабинеттері мен зертханаларын, оқу-өндірістік шеберханаларын, сондай-ақ заманауи техникамен жабдықталған арнайы мамандық кабинеттерін аралап көріп, жұмысшы мамандықтардың қыр-сырымен танысты. Бұл кездесу оқушылардың кәсіби бағдарын айқындауға, болашақта мамандық таңдауда дұрыс шешім қабылдауға бағытталған. Сонымен қатар, техникалық және кәсіптік білім берудің артықшылықтары мен мүмкіндіктері жайлы толық ақпарат алды.